«Малагай бөрт» деп өөредиглиг кичээл

«Малагай бөрт» деп өөредиглиг кичээл

Ак-Довурак хоорайның Уругларның болгаш элээдилерниң чогаадыкчы чоруун сайзырадыр төпке Тыва дыл хүнүнге тураскааткан «Малагай бөрт» деп өөредиглиг кичээлди немелде өөредилге чериниң башкызы Долаана Шагдыр эрттирген.

Малагай - эр кышкы бөрт. Дилги, дырбактыг кежинден даараар. Дора дизе, күскү хураган кежинден даарап болур. Чылгычыларга, малчыннарга кончуг тааржыр. Ирбиш кежи малагайны «бег» кижи кедер турган. Российжи шеригде болза, «генерал» эргелиг кижи ону кедер.

Башкы бүрүзү уругларга чонунуң культуразын шиңгээдип алырынга дузалаар, ада-өгбелериниң ёзу-чаңчылдарын хүндүлээринге база ук-төөгүзүнге чоргааралды өөредир. Олар уругларның уран чүүлдүң, литератураның, хөгжүмнүң болгаш улусчу ус ажылының делегейинче оруун изеп, келир салгалдарга билиглерин болгаш арга-дуржулгазын дамчыдып чоруур.