Башкыларның хүнү-биле

Башкыларның хүнү-биле

Кичээнгейни хаара тыртып,

Кижилерни сорунзалаан,

Кижизидикчи башкыларга,

Курлак чедир изиг байыр!

Бичии чашты бижип, санап,

Билиглерге өөреткен,

Бичии холду эде туткан,

Башкыларга база байыр!

Матпаадыр дээн, Светлячок дээн,

Малышок дээн, Алдын дүлгүүр,

Теремок дээн, Дюймовочка,

Делгереңгей садтар көвей!

Сказкавыс, Мишуткавыс,

Санал чокка бадыткааннар!

Өлчей аттыг лицей- школа,

Өндүр чырык класстарлыг,

Бирги, ийиги, үшкү школа,

Билиг берип өөреткилээн,

Бистиң байлак школалар ол.

Оолдар, кыстар бичии чашты,

Оюн-тоглаа, танцы-самга,

Ойнап хөглеп ырлаар кылдыр,

Өөредипкен башкыларлыг,

Немелде өөредилге төптери база бисте.

Оларларның аразында,

Омакшылдыг кижизиткен,

Оюн оя чагыг берген,

Онза чараш школалар ол.

Хорагай дег каасташкан,

Хоочуннар башкылар бар,

Ховар чараш башкыларга,

Хоор чондан изиг байыр!

Тывавыска алдар аттыг,

Тывызыксыг тергииннер бооп,

Дыңгылдайлыг ыры-шоорлуг,

Дыка чараш байырлаңар.

Өөредилге эргелели,

Өөрүвүске байыр сөңнеп,

Өрү депшип хөгжүүр боорун,

Өлчей-кежик күзедивис.

Эртемнерни номдан тыпчып,

Эки кижи болзун дээштиң,

Эртем-билиг чедиржип каан,

Негелделиг немелделиг,

Нары-шээр чок күжүн өргээн,

Эргим ынак башкыларга,

Эргим чылыг изиг байыр!

Ай-Мерген Дамчыт,

2024 чыл октябрь 3