Тыва дылдың ажык болгаш ажык эвес үннеринге тывызыктар (школа назыны четпээн уругларга).

Тыва дылдың ажык болгаш ажык эвес үннеринге тывызыктар (школа назыны четпээн уругларга).

Өпеймааның кежээпейниң

Өгнү аштаар эдилели. (Ширбиил).

Өгже кирер

Өндур арт. (Өгнүң эргини).

Шайга, сүтке былгап чиир

Шаг-шагның чеми чүве. (Тыва далган).

Хүндуткелдиг чемнер салыр,

Хүрең даайның эдилели. (Деспи).

Кежээ, дүне көстүп келир

Кежик чаян сылдыстарым.

(Чеди хаан сылдыстары).

"Чеди хемни кежер,

чеди артты ажар"

Чечен бо сөстерде

Чеже санны чугааладым?

(Чеди деп сан).

Өскус-оол ооң- биле

Өшку-хоюн кадарар,

Чүргүй-оол аңаа

Чүъгун база сөөртүр. (Аът).

Аяк-сава шыгжаар

Аваларның эдилели. (Үлгүүрге).

Ээзинден адырылбас

Эртинелер шыгжамыры. (Аптара).

Аккыр, хоюг сүттүг,

Алдын өртектиг дүктүг. (Өшкү).

Ажыл-иштен үнер

Алдын-сарыг үнүш. (Тараа).

Орай-даа бол аалга келген

Орук-чораан чорумалды

Аъш-чем-биле хүндүлээштиң,

Аңаа, оон дөжээн чадар. (Чүък).

Шынар дүктен сырып кылган

Шынап чараш эдилелим. (Ширтек).

Чагдап болбас, чараш шокар

Дээп болбас, тергиин шокар. (Чылан).

Кыжын болур, агара бээр

Кылынмазы чок майтак кулугур.

Чазын болур, куурара бээр

Чаражы кончуг майтак кулугур. (Тоолай).